MBUNGE SINGIDA MJINI AONGOZA KUFANYA USAFI

Mbunge wa Jimbo la Singida Mjini, Yagi Kiaratu, akizungumza baada ya kuongoza kufanya usafi wa mazingira katika baadhi ya maeneo ya Manispaa ya Singida Oktoba 18, 2026.

.............................

Mbunge wa Jimbo la Singida Mjini, Yagi Kiaratu, ameongoza zoezi la usafi wa mazingira katika Manispaa ya Singida, lililowakutanisha wananchi pamoja na madiwani kwa lengo la kuboresha usafi wa mazingira na kuzibua mitaro ili kupunguza hatari ya mvua za El Niño kusababisha mafuriko na kuathiri makazi ya wananchi.

Usafi huo umefanyika Oktoba 18, 2026, kwa kufanya usafi wa mazingira, kwa kuondoa takataka na kuzibua mitaro ili kurahisisha upitishaji wa maji ya mvua na kupunguza uwezekano wa maji kujaa katika maeneo ya makazi.

Wananchi na madiwani walijitokeza kushiriki katika zoezi hilo, wakishirikiana katika kusafisha maeneo mbalimbali na kuondoa vizuizi vilivyokuwa vikikwamisha mtiririko wa maji kwenye mitaro.

Hatua hiyo inalenga kujiandaa na mvua za El Niño zinazotarajiwa, kwa kuimarisha mifumo ya kupitisha maji na kupunguza uwezekano wa mafuriko yanayoweza kuathiri nyumba, mali na shughuli za wananchi.

Usafi wa mazingira na kuzibua mitaro ni hatua muhimu katika maandalizi ya msimu wa mvua. Hata hivyo, mafanikio yake yanahitaji ushirikiano endelevu kati ya viongozi na wananchi, ikiwemo kuepuka kutupa taka kwenye mitaro na kuhakikisha mifereji inasafishwa mara kwa mara.

Wananchi wa Manispaa ya Singida wanahimizwa kuendelea kushiriki katika shughuli za usafi na kuchukua tahadhari zinazohitajika ili kupunguza athari zinazoweza kusababishwa na mvua kubwa.

Usafi ukufanyika.

Takataka zikizolewa.

Habari hii imeandaliwa na Dotto Mwaibale, simu namba 0754362990